როცა მეოთხედ გირჩევს შენი ამომრჩეველი, ეს ნიშნავს რომ უფრო მაგრად გენდობა, - განაცხადა „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ „ქრონიკასთან“.
„როდესაც სწორი სვლით მიდიხარ ევროპისკენ ეს არ არის მარტივი გზა, ეს რთული გზაა. ჩვენ ევროპას ვჭირდებით ჩვენი ხასიათით, იდენტობით, ეკონომიკურად ძლიერი ქვეყანა. როდესაც ვიღაცები მიხვდნენ, რომ ევროპის და ამ შემთხვევაში კანდიდატის სტატუსი საქართველოს წინააღმდეგ იარაღად აღარ გამოადგებოდათ, ამის შემდეგ მივიღეთ სტატუსი, ვიდრე ვიღაცებს ჰგონიათ, რომ მოლაპარაკებების საკითხი, როგორც იარაღი შეიძლება, გამოყენებული იყოს საქართველოს ხელისუფლების, ქართველი ხალხის წინააღმდეგ, მანამდე აქტუალური იქნება ეს საკითხი“, - აღნიშნა მამუკა მდინარაძემ.
