გუშინ ჩვენი კოალიცია არ შეხვდა ალან ბერსეს, რასაც ჰქონდა კონკრეტული მიზეზი, - წერს სოციალურ ქსელში ნიკა მელია.

„კოალიცია ცვლილებებისთვის“ ერთ-ერთი ლიდერის თქმით, ალან ბერსეს ბრიფინგზე დღეს მათ რეალობას მოწყვეტილი მიზეზი მოისმინეს.

„გუშინ ჩვენი კოალიცია არ შეხვდა ალან ბერსეს, რასაც ჰქონდა კონკრეტული მიზეზი: ვერ მოვისმინეთ კონკრეტიკა, თუ რა მიზანს ემსახურებოდა ვიზიტი.

დღეს, მის ბრიფინგზე ვისმენთ რეალობას მოწყვეტილ, ბიძინასთვის საოცნებო მოლაპარაკებების საკითხებს (რუსული კანონის შელამაზება და ა.შ).

პროტესტს აქვს მკაფიო მოთხოვნა - ახალი არჩევნები“, - წერს ნიკა მელია.

ევროპის საბჭოს გენერალურმა მდივანმა დღეს გამართულ პრესკონფერენციაზე განაცხადა: „ყველა ძალა, როგორც უმრავლესობა, ასევე ოპოზიცია ვალდებულია ჩაერთოს დიალოგში, დაიცვას და პატივი სცეს დემოკრატიულ პრინციპებს“.