ევროპარლამენტარი რიჰარდს კოლსი შალვა პაპუაშვილს პასუხობს, რომელმაც ჟიგიმანტას პავილიონისის და მარკო მიხელსონის განცხადებები გააკრიტიკა.
„არ შეგეშალოს - შენი მანევრირების სივრცე მცირდება, როგორც პოლიტიკურად, ასევე დიპლომატიურად, ევროპის მოთმინება უსაზღვრო არ არის“, - ეს არის ციტატა რიჰარდს კოლსის განცხადებიდან.
ევროპარლამენტარის თქმით, შალვა პაპუაშვილი ცილს სწამებს მიხელსონს და პავილიონისს, „ნამდვილი ღალატი“ კი პირიქით, „ქართული ოცნების“ რიგებიდან მოდის.
