ვაშინგტონი რუმინეთს სერიოზული ნეგატიური შედეგების შესახებ აფრთხილებს, რაც შეიძლება მოჰყვეს ქვეყნის დასავლეთისგან დაშორებას, - წერს ფრანგული გამოცემა
Le Journal du Dimanche-ი.
აშშ-ის სახელმწიფო დეპარტამენტის სპიკერმა, მეთიუ მილერმა განცხადებაში განაცხადა, რომ „არ შეიძლება რუმინეთის ძნელად მიღწეული პროგრესი ტრანსატლანტიკურ საზოგადოებაში შეაჩერონ უცხოურმა აქტორებმა, რომლებიც ცდილობენ რუმინეთის საგარეო პოლიტიკის დაშორებას მისი დასავლური ალიანსებისგან“.
„ნებისმიერი ასეთი ცვლილება სერიოზულ უარყოფით გავლენას მოახდენს უსაფრთხოების სფეროში აშშ-ის რუმინეთთან თანამშრომლობაზე, ხოლო უცხოური ინვესტიციების შეზღუდვის გადაწყვეტილება ხელს შეუშლის ამერიკულ კომპანიებს რუმინეთში ინვესტიციების განხორციელებაში“, - ნათქვამია სახელმწიფო დეპარტამენტის განცხადებაში.
რუმინეთის საკონსტიტუციო სასამართლომ საპრეზიდენტო არჩევნების პირველ ტურში კელინ ჯორჯესკუს გამარჯვება დაადასტურა.
თავის საარჩევნო გამოსვლებში ჯორჯესკუმ განაცხადა, რომ ევროკავშირი და ნატო „არ პასუხობს რუმინეთის ინტერესებს“, ხოლო რუსეთის ომი უკრაინის წინააღმდეგ „ამერიკული სამხედრო კომპანიების მანიპულირების შედეგია“.
