15 დეკემბერს მივიღებთ კანდიდატის სტატუსს, მაგრამ ეს იმას არ ნიშნავს, რომ გვერდზე უნდა გადავდოთ რეკომენდაციები, - ამის შესახებ პარლამენტის პირველმა ვიცე-სპიკერმა, გიორგი ვოლსკიმ განაცხადა.
„დამატებითი რეკომენდაციები მუდმივად იქნება ჩვენი საქმიანობის დღის წესრიგში, რასაკვირველია იმ პერიოდამდე, სანამ ევროკავშირის სრულფასოვანი წევრები არ გავხდებით“, - აღნიშნავს ვოლსკი.
15 დეკემბერს ევროპულმა საბჭომ უნდა გადაწყვიტოს, მიიღებს თუ არა საქართველო ევროკავშირის კანდიდატის სტატუსს.
