სახელმწიფო სერვისების განვითარების სააგენტოს მიერ ოთარ ფარცხალაძისთვის საქართველოს მოქალაქეობის შეწყვეტის მიზანშეწონილად მიჩნევასთან დაკავშირებით, მმართველ გუნდში განცხადებები გაკეთდა. პარლამენტის პირველი ვიცე-სპიკერის გია ვოლსკის თქმით, მიღებულია კონსტიტუციასთან შესაბამისი გადაწყვეტილება.

„როდესაც იუსტიციის სამინისტრო იღებს გადაწყვეტილებას, ეს გამომდინარეობს იმ კანონმდებლობიდან, რომელიც საქართველოში მოქმედებს. ამაში არაფერია სკანდალური. მან [სამინისტრომ] მიიღო რეალური ინფორმაცია და ამ ინფორმაციის საფუძველზე მიიღო გადაწყვეტილება. ეს იმას არ ნიშნავს, რომ ადამიანი უნდა მოიკვეთოს საკუთარი სამშობლოდან. არსებობს მოქალაქეობის აღდგენის წინაპირობები“, - განაცხადა ვოლსკიმ.

ოთარ ფარცხალაძისთვის მოქალაქეობის შეწყვეტის შესაბამისი დასკვნა საქართველოს პრეზიდენტთან გადაგზავნილია.