შოვის სტიქიის ზონაში, მოხალისეებს შორისაა ჩეხეთის მოქალაქე, რომელიც 3 აგვისტოს სტიქიის ეპიცენტრიდან მაშველებმა უსაფრთხოდ გაიყვანეს.
სტიქიის ეპიცენტრში წითელი ჯვრის კარვებია გაშლილი, სადაც სამძებრო-სალიკვიდაციო სამუშაოებში ჩართული ადამიანებისთვის მოხალისეები საკვებს ამზადებენ.
მოხალისეებს შორისაა ჩეხეთის მოქალაქე, რომელიც 3 აგვისტოს სტიქიის ეპიცენტრიდან მოშორებით იმყოფებოდა და იგი მეორე დღეს მაშველებმა უსაფრთხოდ გაიყვანეს. შემდგომ, ჩეხეთის მოქალაქე სტიქიის ეპიცენტრში საკუთარი სურვილით დაბრუნდა, რათა იქ მყოფ ადამიანებს დაეხმაროს და მათ საკვები მოუმზადოს.
რაჭაში, შოვში მჟავე წყლებთან მეწყერი 3 აგვისტოს ჩამოწვა. ამ დროის მონაცემებით სტიქიას 24 ადამიანი ემსხვერპლა, 9-ის მოსაძიებლად კი 24-საათიან რეჟიმში მაშველები მუშაობენ.
