მითხრეს, რომ სოქსელებში არის რაღაც საბანკო ანგარიშები გამოქვეყნებული, მოწოდებები თანხის შეგროვების შესახებ. მათ შორის, მეც ვნახე ერთი და იგივე ანგარიში ორ სხვადასხვა Facebook-გვერდზე. არ მინდა არავის გულწრფელობაში შევიტანო ეჭვი, მაგრამ, რა თქმა უნდა, ასეთ დროს არის დიდი რისკი თაღლითობის, - ამის შესახებ შალვა პაპუაშვილმა რაჭაში, ჟურნალისტებთან საუბრისას განაცხადა. პარლამენტის თავმჯდომარის თქმით, სტიქიის ზონაში მყოფი ადამიანებით ყველაფრით უზრუნველყოფილები არიან.
„ამიტომ, მოსახლეობას მოვუწოდებ - რაიმე თანხის შეგროვების არანაირი საჭიროება არ არსებობს. ყველა - იქნება ეს დაკარგული ადამიანების ოჯახის წევრები თუ ზოგადად ამ პროცესში ჩართული ადამიანები - არის აბსოლუტურად ყველაფრით უზრუნველყოფილი - წყლით, საკვებით, საცხოვრებლით და ამის [თანხის შეგროვების] არანაირი საჭიროება არ არსებობს“, - განაცხადა პაპუაშვილმა.
შოვში სტიქიის ზონაში დაღუპულთა რიცხვი 18-მდე გაიზარდა. ინფორმაციას შსს ადასტურებს.
