ლეგენდარულ ნანი ბრეგვაძესთან პოპულარულმა აზერბაიჯანელმა მომღერალმა ემინმა დუეტი ჩაწერა. ისინი ცნობილ ქართულ ჰიტს „ყვავილების ქვეყანას" ასრულებენ, რომელსაც ბუბა კიკაბიძე შესანიშნავად მღეროდა. კლიპის რეჟისორი ზაზა ორაშვილია, გადაღებები კი "გარდენია შევარდნაძეში" მიმდინარეობდა. როგორ დათანხმდა ქალბატონი ნანი ახალგაზრდა შემსრულებელს დუეტზე, ამ და სხვა დეტალებზე თავად საუბრობს.
ცნობილია ისიც, რომ მედიის ნაწილმა გაავრცელა ინფორმაცია, რომ თითქოს ნანი ბრეგვაძემ დუეტი რუს მომღერალთან ჩაწერა, რამაც მომღერლის ყურამდეც მიაღწია და განაცხადა, რომ ყველა დაწყნარდეს, რადგან ემინი აზერბაიჯანელი შემსრულებელია და ის ბუბა კიკაბიძის მეგობარი იყო.
„კლიპი გადავიღეთ, მაგრამ ჯერ ბოლომდე არ არის დასრულებული, დამუშავება უნდა. ეს კლიპი ბუბას და ემინს უნდა ჩაეწერათ. როდესაც ბუბა ცოცხალი იყო, ემინმა გამოთქვა სურვილი, კლიპი გადაეღოთ „ყვავილების ქვეყანაზე." ის არის შესანიშნავი ადამიანი და მეგობრობდნენ. როდესაც ბუბა გარდაიცვალა, გაგიჟდა კინაღამ. მერე მოიფიქრეს, რომ ბუბაც იქნება ჩართული, ადრე გადაღებული კადრებით და დუეტს ჩემთან ჩაწერს. მე ვიწყებ, მერე ემინი მღერის, მერე მე და ემინი და ამის შემდეგ ბუბა შემოდის. აქ არაფერი არ არის ისეთი, ყველა ცნობილ მომღერალს აქვს დუეტის ჩაწერის სურვილი.
