ჩვენს ოპოზიციას დავალებული აქვს უფრო ბევრჯერ გამოიყენოს სიტყვა - რუსული, რაც შეიძლება დააზიანოს საქართველოს ხელისუფლება, დააბრალოს მას პრორუსულობა და თვითონ დაიბრალოს პროევროპელობა, მაგრამ ამას ერთი მტკიცებულება უშლის ხელს - ისინი ძირითადად არასდროს იღებენ ისეთ განხილვებში მონაწილეობას, რომელიც ევრორეკომენდაციების შესრულებას შეეხება, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ ჟურნალისტებს განუცხადა.
„გუშინ რამდენიმე საკითხი იყო პლენარულ სხდომაზე განხილული, რომელსაც არც კი დასწრებიან. ამის მიზეზი არის მათი პროევროპულობის ფასადურობა. სინამდვილეში ისინი ებრძვიან ამ ქვეყნის ევროპულ მომავალს და ცდილობენ საქართველოსა და მის ხელისუფლებას პრორუსული კურსი დააბრალონ“, - აღნიშნა მდინარაძემ.
