პენტაგონის საიდუმლო დოკუმენტების გაჟონვის საქმეზე გამოძიების ფარგლებში დაკავებულ 21 წლის ჯეკ ტეიშეირას ბრალი წარედგინა.
CBS News-ის ინფორმაციით, ბრალდება ეხება ორ მუხლს. ესენია: „ეროვნული თავდაცვის შესახებ ინფორმაციის არასანქცირებული შენახვა და გადაცემა“ და „საიდუმლო დოკუმენტებისა და მასალების არასანქცირებული ამოღება და შენახვა“.
პირველი მუხლის მიხედვით მაქსიმალური სასჯელის სახით 10-წლიანი პატიმრობა, მეორე მუხლის მიხედვით კი 5-წლიანი პატიმრობა არის გათვალისწინებული.
7 აპრილს, პენტაგონის ოფიციალურმა პირმა ტელეკომპანია CNN-ს განუცხადა, რომ პენტაგონი უკრაინის შესახებ აშშ-ისა და ნატოს დაზვერვის სავარაუდო საიდუმლო დოკუმენტების გაჟონვას იძიებს. FBI-მ საქმეზე გამოძიების ფარგლებში საჰაერო ძალების ეროვნული გვარდიის წევრი, 21 წლის ჯეკ ტეიშეირა დააკავა. მას ეროვნული თავდაცვის შესახებ ინფორმაციის არასანქცირებულ შენახვა-გადაცემაში და საიდუმლო დოკუმენტებისა და მასალების არასანქცირებულ ამოღება-შენახვაში ედება ბრალი.
პენტაგონიდან უკრაინის შესახებ საიდუმლო დოკუმენტებმა გაჟონა. რა არის ცნობილი ამ ფაქტის შესახებ?
პენტაგონიდან საიდუმლო დოკუმენტების გაჟონვის საქმეზე ჯეკ ტეიშეირა დააკავეს. რა არის ცნობილი 21 წლის ეჭვმიტანილის შესახებ?
