სიცოცხლის ფასად რომ დაგვიჯდეს, ამ ქვეყანას უთანასწორო ომში არ შევიყვანთ, - ამის შესახებ „ქართული ოცნების“ აღმასრულებელმა მდივანმა მამუკა მდინარაძემ გადაცემაში „იმედი LIVE“ განაცხადა.
მისი თქმით, ამ ქვეყანას ომში შესვლა არ შეუძლია, ეს არ არის ქართული, ეროვნული ინტერესები.
„იმ ხალხს, რომელიც იბრძვის რეალურად საქართველოს წინააღმდეგ, იმ ხალხს, რომელიც ცდილობს ამ ქვეყნის შეთრევას რაღაც ცუდ ამბებში: ომში, უბედურებაში, იმ ხალხს, რომელიც მხარს უჭერს გარედან მომავალ შანტაჟს, შვეიცარიის საბანკო სისტემიდან დაწყებული, მხარს უჭერს სპეკულაციებს სააკაშვილზე და უკრაინის ხელისუფლების წარმომადგენლების მხრიდან პირდაპირ მოწოდებებს ომში ჩართვაზე - ამ ყველაფერს აქვს ერთი დიდი საერთო სათავე და მიზანი, რომ ეს ქვეყანა ომში შევიდეს. ამ ქვეყანას ომში შესვლა არ შეუძლია, ეს არ არის ქართული ეროვნული ინტერესები და ჩვენ ამას არ გავაკეთებთ რაც არ უნდა მოხდეს. სიცოცხლის ფასად რომ დაგვიჯდეს ამ ქვეყანას ჩვენ უთანასწორო ომში არ შევიყვანთ. ამას ყველა უნდა შეეგუოს“, - აღნიშნა მამუკა მდინარაძემ.
