ერევანში, სავაჭრო ცენტრ „სურმალუში“ აფეთქების შედეგად დაღუპულთა რაოდენობა ხუთამდე გაიზარდა, - ინფორმაციას სომხური მედია ავრცელებს.
16 ადამიანი უგზოუკვლოდ დაკარგულად მიიჩნევა, 5 მსხვერპლიდან ერთის იდენტიფიცირება ამ დრომდე ვერ მოხერხდა.
მეორე დღეა, ადგილზე 200-მდე მეხანძრე-მაშველი, ათობით სატვირთო მანქანა, ტრაქტორი და მრავალი სხვა ტექნიკა მუშაობს.
სომხეთის დედაქალაქში მდებარე სავაჭრო ცენტრ „სურმალუში“ აფეთქება 14 აგვისტოს, სავარაუდოდ, პიროტექნიკის საწყობში მოხდა.
