უკრაინაში რუსეთის სრულმასშტაბიანი შეჭრის შემდეგ 32 ჟურნალისტია მოკლული. ამის შესახებ კულტურისა და საინფორმაციო პოლიტიკის მინისტრმა ალექსანდრ ტკაჩენკომ „ტელეგრამის“ გვერდზე გაავრცელა.
„ამ წელს ჟურნალისტების დღეს სიმწარის განსაკუთრებული გემო აქვს. სრულმასშტაბიანი ომის მეოთხე თვეა და ჩვენ 32 ჟურნალისტი დავკარგეთ. ომის 8 წლის განმავლობაში ჩვენ კიდევ უფრო მეტი დავკარგეთ. მუდმივი ხსოვნა საინფორმაციო ფრონტის მოწინავე მებრძოლებს“,- განაცხადა მინისტრმა.
