არასდროს ვყოფილვართ ასე ახლოს ევროკავშირთან და ამ შანსის ვერ და არ გამოყენება იქნება დანაშაული ჩვენი მომავალი თაობის წინაშე, - ამის შესახებ პარტია „მოქალაქეების“ ლიდერმა ლევან იოსელიანმა განაცხადა.
„არასოდეს საქართველოს არ ჰქონია ასეთი შანსი, ეს არის ისტორიული მომენტი, არასდროს ასე ახლოს არ ვყოფილვართ ევროკავშირთან და ამის ვერ და არ გამოყენება იქნება დანაშაული ჩვენი მომავალი თაობის წინაშე. ამიტომ ყველამ ოპოზიციამ, ხელისუფლებამ, მმართველმა პარტიამ, ყველამ ერთად ყველაფერი უნდა გავაკეთოთ იმისთვის, რომ დღეს ჩვენ ერთი ნაბიჯით წავიწიოთ წინ და მივიღოთ კანდიდატის სტატუსი, ეს არის ძალიან მნიშვნელოვანი და ყველამ უნდა გავიაზროთ ჩვენი პასუხისმგებლობა ამ პროცესში“, - აღნიშნა იოსელიანმა.
