დიდუბის რაიონის გამგეობამ დიღმის მასივის მეხუთე კვარტალში, ხუთ მისამართზე საგზაო ინფრასტრუქტურა მოაწესრიგა. დიღმის მასივის მეხუთე კვარტლის მე-7, მე-14, მე-16 კორპუსების მიმდებარედ, ასევე, მიქელაძის ქუჩის N2-ისა და დიღმის მასივის მეხუთე კვარტლის 24ა და 24ბ კორპუსების მიმდებარედ 2 890 კვ.მ ფართობზე ასფალტის საფარი დაიგო, ასევე მოეწყო ბორდიური და ტროტუარი. აღნიშნული სამუშაოები გამგეობის დაკვეთით კომპანიამ „ბი ემ სი“ განახორციელა. პროექტისთვის ადგილობრივი ბიუჯეტიდან 160 836 ლარი გამოიყო.
