განსაკუთრებულ აქტივობას ვხედავთ საინფორმაციო სივრცეში, სადაც მიმდინარეობს დეზინფორმაციული კამპანია და პროპაგანდა დასავლეთის წინააღმდეგ და რუსეთის სასარგებლოდ,- ამის შესახებ თავდაცვის ძალების სამხედრო დაზვერვის დეპარტამენტის უფროსმა გიორგი ბლიაძემ განაცხადა.
„რუსეთის ხასიათშია, რომ აბსოლუტურად ყველა განზომილებაში განახორციელოს სინქრონული მოქმედებები, ეს არის დიპლომატიური, ეკონომიკური, სამხედრო, საინფორმაციო სივრცეში. ამ ეტაპზე ჩვენ განსაკუთრებულ აქტივობას ვხედავთ საინფორმაციო სივრცეში, სადაც მიმდინარეობს დეზინფორმაციული კამპანია და პროპაგანდა დასავლეთის წინააღმდეგ და რუსეთის სასარგებლოდ“,- აღნიშნა გიორგი ბლიაძემ.
