პარლამენტი არ უნდა იყოს ის ადგილი, სადაც დეპუტატები ერთმანეთზე ძალადობენ, - ამის შესახებ „ნაციონალური მოძრაობის“ წევრმა, ხატია დეკანოიძემ განაცხადა.
მან კომენტარი გააკეთა, უნდა დაწესდეს თუ არა სანქციები პარლამენტში ჩხუბისთვის.
„ბიუროს სხდომაზე მე მომისმენია, ჩემი მისამართით შეურაცხმყოფელი, ხმამაღალი განცხადებები. ამიტომ, პარლამენტი არ უნდა იყოს ის ადგილი, სადაც დეპუტატები ერთმანეთზე ძალადობენ და განსაკუთრებით ქალებზე ძალადობენ კაცი დეპუტატები. შეიძლება ვინმეს ეს ფორმა გამოხატვის მოსწონდეს, შეიძლება ვინმეს არ მოსწონდეს, მაგრამ იმ მომენტში ნონა არავისზე არ ძალადობდა და შეურაცხყოფას არავის არ აყენებდა“, - განაცხადა დეკანოიძემ.
მით უფრო, არ არის ეგ გასაკვირი საქართველოს პარლამენტში, სადაც თქვენი პოლიტიკური ძალა მხოლოდ დესტრუქციისთვის არის შესული.