გიორგი გახარია წარმატებული პრემიერი წარმატებული გუნდის პირობებში იყო და არ მგონია, რომ გუნდის გარეთ მსგავსი პერსპექტივა ჰქონდეს, - ამის შესახებ ეკონომიკის მინისტრმა ნათია თურნავამ განაცხადა, რითაც ტელეკომპანია „ფორმულას“ დაკვეთით, Edison Research-ის მიერ ჩატარებული კვლევის შედეგები შეაფასა.
„ძალიან მეეჭვება, რომ ეს იყოს ადეკვატური და ობიექტური მაჩვენებლები. გიორგი გახარია იყო წარმატებული პრემიერ-მინისტრი, წარმატებული გუნდის ფარგლებში და არ მგონია მსგავსი პერსპექტივა ჰქონდეს გუნდის გარეთ", - განაცხადა თურნავამ.
ტელეკომპანია „ფორმულას“ დაკვეთით, Edison Research-მა, საზოგადოებრივი აზრის გამოკითხვა ჩაატარა. კითხვაზე: „ვის მისცემდნენ ხმას, თბილისის მერის არჩევნები დღეს რომ ტარდებოდეს?“ გამოკითხულთა 32%-მა კახა კალაძე დაასახელა, 17%-მა ნიკა მელია, 15%-მა კი, გიორგი გახარია.
