გუშინ ბატონმა ხაზარაძემ განაცხადა, მე საერთოდ იმუნიტეტი არ მჭირდებაო - ყველაზე სამართლიანი და უპრიანია მივყვეთ სასამართლო პროცესებს, - ასე ეხმიანება საპროცედურო საკითხთა და წესების კომიტეტის თავმჯდომარე ირაკლი ქადაგიშვილი ჟურნალისტებთან მამუკა ხაზარაძის, ბადრი ჯაფარიძის და ვატო წერეთლის წინააღმდეგ სასამართლო პროცესების განახლების საკითხს.
მისი თქმით, სისხლისსამართლებრივი დევნა პოლიტიკოსის წინააღმდეგ პოლიტიკურ მარღლმსაჯულებაზე არ მიუთითებს.
„სასამართლო პროცესი არის სასამართლო პროცესი. ის, რომ თქვენ სასამართლო პროცესის შემდეგ გახდით პოლიტიკოსი ან პოლიტიკაში ყოფნის დროს თქვენზე არის სასამართლო პროცესი ამა თუ იმ საქმესთან დაკავშირებით, არ ნიშნავს იმას, რომ ეს არის პოლიტიზირებული სასამართლო პროცესი. ის, რომ შეიძლება სისხლისსამართლებრივი დევნის ქვეშ იყოთ და იყოთ პოლიტიკოსი, ჟურნალისტი ან ნებისმიერი სხვა პროფესიის და მხოლოდ იმიტომ, რომ გსურთ დამატებით იმუნიტეტი შეიქმნათ და საკითხს უწოდოთ პოლიტიკურად ანგაჟირებული, ეს არ არის სწორი.
მის პოლიტიკოსობამდე დაიწყო ეს პროცესი და ყველაზე სამართლიანი და უპრიანია მივყვეთ სასამართლო პროცესებს. ხშირად ვართ დღევანდელ სასამართლოში იმის მოწმე, რომ სასამართლო უკიდურეს შემთხვევებში იყენებს ხოლმე წინასწარ პატიმრობას და დიდი სტატისტიკა გვაქვს გამამართლებელი განაჩენის გამოტანის,"- განაცხადა ქადაგიშვილმა.
