„ნიუ ჰოსპიტალსის“ დირექტორის განცხადებით, კრწანისის ქუჩაზე მომხდარი ავარიის დროს დაშავებულებს შორის ერთი ბავშვია

„ნიუ ჰოსპიტალსის“ დირექტორის განცხადებით, კრწანისის ქუჩაზე მომხდარი ავარიის დროს დაშავებულებს შორის ერთი ბავშვია

"ნიუ ჰოსპიტალსის“ დირექტორის, გიორგი რამიშვილის განცხადებით, კრწანისის ქუჩაზე მომხდარი ავარიის დროს დაშავებულებს შორის ერთი არასრულწლოვანია. მისივე ინფორმაციით, ბავშვს მოტეხილობები აღენიშნება.

„დაახლოებით 2 საათის წინ, ერდროულად 5 ადამიანი იყო შემოყვანილი პოლიტრავმით, აქედან ერთი ადამიანი უმძიმესი პოლიტრავმით, გულის გაჩერებით, ჩატარებული რეანიმაციული ღონისძიებების მიუხედავად სიცოცხლესთან შეუთავსებელი დაზიანებებით გარდაცვალა. 4 ადამიანზე ახლა მიდის აქტიური მუშაობა“,-აღნიშნავს რამიშვილი.

მისივე ინფორმაციით, ზოგიერთი დაშავებულის ჯანმრთელობის მდგომარეობა მძიმეა, ზოგის კი საშუალო სიმძიმისაა.

ცნობისთვის, კრწანისის ქუჩაზე, ავარიის შედეგად რვა ადამიანი დაშავდა და ერთი გარდაიცვალა. როგორც „ინტერპრესნიუსს“ შსს-ში განუცხადეს, მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის ექსპლუატაციისა და უსაფრთხოების წესების დარღვევას გულისხმობს.