ნინოშვილის ქ. N27-29-ში სახლის გამაგრების სამუშაოები მიმდინარეობს

ნინოშვილის ქ. N27-29-ში სახლის გამაგრების სამუშაოები მიმდინარეობს

ჩუღურეთის რაიონში „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, ნინოშვილის ქ. N27-29-ში მდებარე ავარიული საცხოვრებელი სახლის კაპიტალური გამაგრების სამუშაოები მიმდინარეობს. პროექტის ფარგლებში, შენობის საძირკველი გამაგრდება, კედლები მოეწყობა, ლითონის ელემენტებით ფანჯრები და კარის ღიობები მოჩარჩოვდება, არმატურის ჯავშანში დაზიანებული ელემენტები ჩაისმება, ბზარები დამუშავდება და სპეციალური მასალით შეივსება. ასევე, სეისმური სარტყელი მოეწყობა. მიმდინარე სამუშაოები, ჩუღურეთის რაიონის გამგებელმა ზურაბ ჩიკვილაძემ, პარლამენტის თავმჯდომარის პირველ მოადგილესთან და რაიონის მაჟორიტარ დეპუტატთან გიორგი ვოლსკისთან, ასევე, პარლამენტის დეპუტატ რიმა ბერაძესთან ერთად დაათვალიერა და ადგილობრივ მოსახლეობას შეხვდა. სამუშაოებს, ჩუღურეთის რაიონის გამგეობის დაკვეთით, კონტრაქტორი კომპანია ასრულებს და მისი ღირებულება 63 000 ლარია.
 
       
amo ისევ ჩუღურეთი, ისევ გამაგრების სამუშაოები. ამხ. ვასაძევ რა გახდა 3-4 მანქანა ხრეშის მოტანა დიდ დიღომში ავთანდილის ქუჩაზე ორმოების ამოსავსებად. ტექნიკა ადგილზეა ("დელავოი დვორ"-ის სახით). ან მერია აშენებულ სახლებს რატომ იბარებს ქუჩის მოწესრიგების გარეშე? მშენებლობის პერიოდში მძიმე ტექნიკით დააზიანებენ ქუჩას, იშოვნიან მილიონებს და ორმოებით გაუბედურებულ გზას უსირცხვილოთ მიატოვებენ. ამ უმსგავსობას მუნიციპალიტეტის, მერიის მორიტორინგი რატომ არ კურირებს? აბა თქვენ ხალხი ხართ?
2 წლის უკან