ოპოზიციური პარტიების მხრიდან არ არსებობს საფუძველი, ბოიკოტი გააგრძელონ, - ამის შესახებ პარლამენტის თავმჯდომარის მოადგილემ, კახა კუჭავამ „ქრონიკას“ განუცხადა.
„განსაკუთრებით ბოლო ორი თვის განმავლობაში, დასავლელი პარტნიორების მხრიდან ჩვენი ოპოზიციური პარტიების მიმართ ბევრი მოწოდება ვნახეთ, რომ მათ მონაწილეობა მიიღონ საპარლამენტო ცხოვრებაში. მათი მხრიდან არ არსებობს საფუძველი, ბოიკოტი გააგრძელონ. ყველა არგუმენტი, რომელიც მათ გააჩნდათ, ვნახეთ, რომ უსაფუძვლოა“, - განაცხადა კუჭავამ.
„მოქალაქეები“ და „გირჩი“ ოპოზიციასთან შეხვედრებს იწყებენ. კვირას ჩანიშნულია შეხვედრა „სტრატეგია აღმაშენებელთან“. ამის შესახებ „მოქალაქეების“ ლიდერმა, ალეკო ელისაშვილმა განაცხადა. მან ასევე აღნიშნა, რომ პარტია „მოქალაქეები“ მზად ვართ ელჩების თანდასწრებით შეხვდეს „ქართულ ოცნებას“ და ხელი მოვაწეროთ შეთანხმებას.
