შინაგან საქმეთა სამინისტროში დატოვებული საიდუმლო ჩემოდნები. უწყებაში უკანონო სატელეფონო და ვიდეო-ჩანაწერების არქივია აღმოჩენილი. მათ შორისაა ირაკლი ღარიბაშვილის საუბრების ამსახველი დისკებიც. აუდიო-მასალების გარდა ნაპოვნია ვიდეო-ფირებიც, რომლებიც საზოგადოებისთვის ცნობილი ადამიანების პირად ცხოვრებას ეხება. უწყება ყველა ასეთი ჩანაწერის განადგურებას გეგმავს. ღარიბაშვილის მიერ გავრცელებული ინფორმაცია სიახლე არ არის უფლებადამცველებისა და იმ ბიზნესმენებისთვის, რომლებსაც წლების წინ კლიენტების ფარულ კონტროლსა და თვალთვალს აიძულებდნენ.
