პარტია „ქართულო ოცნების“ აღმასრულებელი მდივნის, ირაკლი კობახიძის განცხადებით, ხელისუფლებასა და ოპოზიციას შორის მოლაპარაკებების ბოლო რაუნდი ხვალ შედგება, რადგან 11 დეკემბერს მეათე მოწვევის პარლამენტის პირველი სხდომაა დანიშნული.

მისივე თქმით, საკმაოდ საინტერესო დისკუსიები გაიმართა საარჩევნო რეფორმასთან დაკავშირებით და არსებითად შეჯერებული იყო და, იმედია, საბოლოოდ იქნება პოზიციები საარჩევნო რეფორმაზე.

„დეტალებზე დღეს ვერ ვისაუბრებთ, რადგან ეს არის პირობა, რომელიც ელჩების თანდასწრებით დავდეთ. მხოლოდ იმის თქმა შემიძლია, რომ საუბარია ფუნდამენტურ ცვლილებებზე ორი სხვადასხვა მიმართულებით - არჩევნების ადმინისტრირება და საარჩევნო სისტემის სხვადასხვა საკითხი. ყველა მიმართულებით ფუნდამენტური ცვლილებებია და ეს ყველაფერი წარდგენილია ოპოზიციის წინაშე. იმედია, მოლაპარაკებები წარმატებით დასრულდება”, - განაცხადა კობახიძემ.