„მთავარი ბერკეტი არის არჩევნების შედეგების მიმართ გამოცხადდეს უნდობლობა, მაგრამ, თუ საერთაშორისო დამკვირვებლები ცნობენ, რომ არჩევნები ჩატარდა დემოკრატიულად, არჩევნების შედეგების ლეგიტიმურობა ეჭვქვეშ არ დადგება", - ასე ეხმაურება ანალიტიკოსი ზაალ ანჯაფარიძე კონგრესმენ ადამ კიზინგერის მოსაზრებას საქართველოში განვითარებულ მოვლენებზე.

აშშ-ის საქართველოს მეგობართა ჯგუფის თანათავმჯდომარე კონგრესმენი ადამ კიზინგერი „ამერიკის ხმასთან" მიცემულ ინტერვიუში საქართველოს ხელისუფლებას დაპირებების შესრულებისკენ მოუწოდებს.

„ჩვენი ინტერესი საქართველოს შემთხვევაში არის გამოსავალის პოვნა. ამ ეტაპზე საფრთხეს ვერ ვხედავთ, თუმცა შემაშფოთებულ ეტაპზე ვართ. ჩვენ ძალიან ახლოს ვაკვირდებით, თუ როგორ ჩატარდება არჩევნები.

„თუ ვერ ვიხილავთ პროგრესს, ის, რასაც გავაკეთებთ, ბევრისთვის მოულოდნელი იქნება. ამას აქ (შეერთებულ შტატებში) გადავწყვეტთ. ვიტოვებ იმედს, რომ გამოსავალი მიღწეუცლი იქნება დაკავებების, დაკავებების მუქარის და იმის თაობაზე თუ როგორი იქნება საარჩევნო სისტემა 2020 წელს", - აცხადებს ადამ კიზინგერი.

„ადამ კიზინგერი, მართალია, კონგრესიის წარმომადგენელია, მაგრამ, ეს მაინც მისი პირადი მოსაზრებაა. ეჭვი არ არის, რომ მას აქვს გავლენა კონგრესზე და გარკვეული კონგრესმენების მობილიზებაც შეუძლია. რაც შეეხება იმის, თუ რა ბერკეტები შეიძლება ჰქონდეთ, მთავარი ბერკეტი არის არჩევნების მიმართ გამოცხადდეს უნდობლობა. მაგრამ თუ არჩევნები ჩატარდა ისე, რომ საერთაშორისო დამკვირვებლებმა სცნეს არჩევნების ჩატარება დემოკრატიულად, მაშინ არჩევნების ლეგიტიმურობა ეჭვქვეშ ვერ დადგება.

„მარტო კიზტინგერი ხომ არ არის, ჩვენს დასავლელ პარტნიორებს არ სურთ, რომ არჩევნების შემდეგ საქართველოში იყოს დესტაბილიზაცია. სულ ახლახანს ჩატარდა არჩევნები ისრაელში, იქაც იყო პატარა გადაცდომები, მაგრამ არჩევნები გამოცხადდა ლეგიტიმურად", - განაცხადა „რეზონანსთან" ზაალ ანჯაფარიძემ.