პარტია „ნაციონალური მოძრაობის“ თავმჯდომარის, გრიგოლ ვაშაძის განცხადებით, ყოფილ პრემიერ-მინისტრს, ვანო მერაბიშვილს მათ პარტიაში გაწევრიანებასთან დაკავშირებით ჯერჯერობით პოზიცია არ დაუფიქსირებია.
ჟურნალისტის კითხვაზე, არის თუ არა პარტიის კარი ღია მერაბიშვილისთვის, ვაშაძე პასუხობს: „ჩემთვის არ მოუმართავს ჯერ და არ უთქვამს თავის გეგმებზე არაფერი და როგორ გიპასუხოთ?“.
ჩაკითხვის შემდეგ, რომ მიმართოს მერაბიშვილმა „ნაციონალურ მოძრაობას“, გააწევრიანებენ თუ არა პარტიაში, ვაშაძე პასუხობს: “იცით რა? ბებიას რომ ერთი რაღაცა ჰქონდეს, ბაბუა იქნებოდა, ამიტომ ნუ მესაუბრებით იმაზე, რაც რეალობაში არ ხდება“.
„როცა რეალობა იქნება, მერე მომეცით შეკითხვა”, - მიმართა ვაშაძემ ჟურნალისტებს.
![ბიჭი ტრიბუნებზე პსჟს რეალთან გამარჯვებას ზეიმობდა, რა დროსაც დავარდა და ხელი იტკინა[ვიდეო]](https://for.ge/uploads/images/thumbs/1752300808_304496.jpg)
