თურქეთი ყოველთვის მხარს უჭერდა ნატოში საქართველოს გაწევრიანების თემას, – ამის შესახებ თურქეთის საგარეო საქმეთა მინისტრმა, მევლუთ ჩავუშოღლუმ გერმანულ გამოცემა „ბილდთან“ ინტერვიუში განაცხადა.
მევლუთ ჩავუშოღლუს თქმით, საქართველოსთან დაკავშირებულ გადაწყვეტილებას ევროპის ქვეყნები ვერ იღებენ.
„თურქეთი ყოველთვის მხარს უჭერდა ნატო-ში საქართველოს გაწევრიანების თემას, თუმცა გერმანია და საფრანგეთი ამ ნაბიჯის გადადგმას რუსეთის უკმაყოფილების შიშით ვერ ბედავენ“, – აღნიშნა თურქეთის საგარეო უწყების ხელმძღვანელმა ინტერვიუში.
