კრისტიან ტერეში: თქვენ გყავთ სხვადასხვა პოლიტიკური პარტიები , მათ აქვთ განსხვავებული მოსაზრებები და ეს ამტკიცებს , რომ თქვენთან დემოკრატიაა

კრისტიან ტერეში: თქვენ გყავთ სხვადასხვა პოლიტიკური პარტიები , მათ აქვთ განსხვავებული მოსაზრებები და ეს ამტკიცებს , რომ თქვენთან დემოკრატიაა

„დასანანია, რომ ბევრი ევროპარლამენტარი  სხვადასხვა ქვეყნების წარმომადგენლებთან საუბარს  პოლიტიკური ქულების დასაწერად იყენებს - განაცხადა ეურონესტის ვიცე-პრეზიდენტმა, ევროპარლამენტარმა კრისტიან ტერეშმა.


„მე არ ვარ ევროპარლამენტის საგარეო ურთიერთობათა კომიტეტის წევრი. მე არ ვესწრებოდი სხდომას, მაგრამ რა თქმა უნდა მივიღე ინფორმაცია გუშინდელი მსჯელობის შესახებ. გული დამწყდა, თუ როგორ იყო საქართველოს საკითხი განხილული. მნიშვნელოვანია ქართველმა ხალხმა იცოდეს, რომ ევროპარლამენტის წევრები წარმოადგენენ სხვადასხვა ქვეყნებს. ისინი არიან პოლიტიკოსები. ჩემთვის დასანანია  ვთქვა, რომ ბევრი მათგანი ამ შესაძლებლობას - სხვადასხვა ქვეყნების წარმომადგენლებთან საუბარს პოლიტიკური ქულების დასაწერად იყენებს. ეს ხდება მგრძნობიარე თემების და დეტალების გათვალისწინების გარეშე. მე ეს ვუთხარი ჩემს კოლეგებს და ევროპარლამენტარებსაც აუცილებლად ვეტყვი" - განაცხადა ტერეშმა.


მისი თქმით,  საქართველომ რეფორმების გრძელი გზა გაიარა, მიაღწია პროგრესს და ამას არავინ უარყოფს.


„არ ვფიქრობ, რომ მიზანშეწონილი იყოს რომელიმე პოლიტიკური ჯგუფისთვის გამოიყენოს საქართველო როგორც ბრძოლის ველი  და დააგროვოს პოლიტიკური ქულები  ბრიუსელში. ქართველი ხალხისთვის და ევროპარლამენტარებისათვის, ევროკომისიისთვის მნიშვნელოვანია იმის გათვალისწინება, რომ წლების მანძილზე საქართველომ რეფორმების გრძელი გზა გაიარა, მიაღწია პროგრესს და ამას არავინ უარყოფს. საქართველომ დაამტკიცა, რომ სანდო, ძლიერი პარტნიორია და ამას ვერავინ უარყოფს. ძლიერი პარტნიორია არამარტო ევროკავშირისთვის, არამედ ნატოსთვის. თქვენ გყავთ სხვადასხვა პოლიტიკური პარტიები, მათ აქვთ განსხვავებული მოსაზრებები და ეს ამტკიცებს, რომ თქვენთან დემოკრატიაა. ყველა რომ ყველაფერზე თანხმდებოდეს ეს დემოკრატია აღარ იქნებოდა. ეს რუსეთში ხდება. ეს საკითხები, რაც შიდა დაპირისპირებებს ეხება უნდა გადაწყდეს ქვეყნის შიგნით. არცერთი პოლიტიკური ლიდერისთვის  მიზანშეწონილი არ არის, ჩამოვიდეს, ლექციები წაგიკითხოთ, გააკრიტიკონ ქვეყანა და არ იცოდნენ რეალურად რა ხდება. თქვენ  გაქვთ შესანიშნავი ქვეყანა, ხართ არაჩვეულებრივი ხალხი და იამაყეთ საქართველოთი, იბრძოლეთ იმისთვის, რომ იყოს უფრო და უფრო ძლიერი" - განაცხადა კრისტიან ტერეშმა.

Maverick ახლა წამოხტება პეპელა გვარამია, იყვირებს ამას ვინ კითხავსო, აყაყანდებიან კიკიმორები, ჭაობის გომბეშოები, პედიკები, ქინძები, კრუხები და გადაკრუხებულები, კვერს დაუკრავს მიშმაკ ცურცლი, აყვება 32 "მოციქული", 0%-ნი "გიგანტი" ჩასვრილი აპოლიტ პარტიის ბნელიტ ლიდერი და გვიან მიხვდებიან რომ თავიანთი ვირეშმაკობით თამაშგარე მდგომარეობაში ამოყვეს თავი, საკუთარი ხელით გაითხარეს პოლიტიკური "საძმო" საფლავი!!!!!!!!!!!!!.............. დანარჩენი მერე, მერე...
1 თვის უკან