ექსპერტი სოსო მანჯავიძე სოციალურ ქსელში წერს:
"ხომ არ გახსოვთ,ეს მილიონიანი შეკრება როგორ დასრულდა შეკრებიდან ძალიან მალე? ან შემკრებს,ას მილიარდზე მეტის მფლობელ მუამარ კადაფის რა ბედი ეწია?"
წერს ნიკა გვარამია და ფოტოს აქვეყნებს.
ჯერ ერთი,მუამარ კადაფის წინააღმდეგ აჯანყების ინსპირაცია მოხდა გარე ძალების მიერ,რაც დამთავრდა პირდაპირი ინტერვენციითა და ლიბიის მმართველის მხეცური მკვლელობით.შედეგად ასიათასობით ადამიანი დაიღუპა,ქვეყანა ოთხ ნაწილად დაიშალა და მისი მომავალი ბნელითაა მოცული.
მაგრამ აქ სხვა, უფრო საინტერესო რამ იკვეთება.
მუამარ კადაფის მაგალითის მოყვანით ნიკა გვარამია გამოხატავს მისი და მისნაირების განწყობას-ოღონდ ბიძინა ივანიშვილს იგივე ხვედრი ეწიოს ,როგორიც მუამარ კადაფის -ჭირსაც წაუღია საქართველო,დაე ლიბიის ხვედრი გაიზიაროს.
ეტყობა, ამ ანალოგიაში ნიკა გვარამიას ავადმყოფურ სიძულვილს კადაფის მკვლელობის ფორმა განსაკუთრებით ხიბლავს-ის ხომ მამაკაცისათვის განსაკუთრებით შეურაცხმყოფელი ფორმით მოკლეს.
ამ პათოლოგიურ სიძულვილს არ შეიძლება არ მოყვეს გონების დაბნელება,რაც ანალოგიის აბსურდულობაში გამოიხატება,მის სრულ უზნეობასთან ერთად-ერთი წუთით წარმოვიდგინოთ, მაშინდელი ლიბია,სადაც კადაფის ასეთი ფორმით ლანძღავენ ტელევიზიებში.
სიძულვილი და სიცრუე შესაბამის რეაქციას იწვევს, ამიტომ ტყუილად ფიქრობენ,რომ ეს ხალხი,მარტოოდენ ოცნების ორგანიზებით გამოვიდა.ეს აქტიურობა ნაც-გაერთიანების უზნეო,უაზრო და მავნებლურმა ქცევამ გამოიწვია, მათმა თავხედურმა მუქარებმა, ძალადობამ. და მანიაკალურმა უტიფრობამ. ისინი ჰგვანან ფურუნკულს ბოლო სტადიაში,როცა მისგან გამოწვეული ქავილი იმდენად აუტანელი ხდება,რომ ადამიანის მთელ არსებას ერთადერთი სურვილი იპყრობს--როგორმე განთავისუფლდეს მისგან,რაც არ უნდა მოხდეს ამის შედეგად.
