რესპუბლიკის მოედანზე ვაჟა გაფრინდაშვილის ოჯახის წევრები და მხარდამჭერები იკრიბებიან. აღნიშნული ტერიტორიიდან ისინი დუშეთის რაიონის სოფელ ოძისში, საოკუპაციო ხაზთან გადაინაცვლებენ და მშვიდობიან საპროტესტო აქციას გამართავენ.
ოჯახის წევრებთან ერთად ადგილზე იმყოფებიან ოპოზიციური პარტიების ლიდერები და სამოქალაქო აქტივისტები.
ცნობისთვის, ექიმი ვაჟა გაფრინდაშვილი საოკუპაციო ძალების წარმომადგენლებმა 9 ნოემბერს დააკავეს. ე.წ. სასამართლომ ვაჟა გაფრინდაშვილს ორთვიანი პატირობა შეუფარდა.
ოკუპირებულ ცხინვალში 13 ნოემბერს ე.წ სასამართლო პროცესი გაიმართა, საოკუპაციო რეჟიმმა ვაჟა გაფრინდაშვილი პატიმრობაში დატოვა.
