საქართველოს პარლამენტის თავმჯდომარე არჩილ თალაკვაძე „ნაციონალური მოძრაობის“ წევრ რომან გოცირიძესა და უმრავლესობის წარმომადგენელ დაჩი ბერაიას შორის მომხდარფიზიკურ დაპირისპირებას ეხმაურება.
თალაკვაძე კოლეგებს სიმშვიდის შენარჩუნებისკენ მოუწოდებს.
„ძალიან სამწუხაროა, რომ ასეთ მომენტში, როდესაც სავარაუდო ქიმიური შეტევა მოხდა პარლამენტზე, ჩვენი ოპონენტების ნაწილი დაკავებულია ცინიკური განცხადებებით, დამცინავი განცხადებებით. ეს კიდევ ერთხელ აჩვენებს, თუ რა დამოკიდებულება აქვთ მათ პარლამენტის მიმართ. რაც შეეხება მომხდარ ინციდენტს, რა თქმა უნდა მე, როგორც პარლამენტის თავმჯდომარე, ნებისმიერ ფიზიკურ კონტაქტს და ძალადობას ვემიჯნები. მოვუწოდებ კოლეგებს, რომ შეინარჩუნონ სიმშვიდე“ ,- განაცხადა არჩილ თალაკვაძემ.
