ჟურნალისტი კოკა ყანდიაშვილი სოციალურ ქსელში საქართველოს გარდაცვლილი პრემიერ-მინისტრის, ზურაბ ჟვანიას შესახებ წერს:
“დღეს, ზურაბ ჟვანია 56 წლის გახდებოდა.
მკვლელობამდე, 4-5 საათით ადრე, მობილურით ვისაუბრეთ, ასე მითხრა: ხვალე ვერ მოვახერხებ და ზეგ შევხვდეთო……. კარგ ხასიათზე იყო, ხუმრობდა…..
ჩვენ ვთანამშრომლობდით და ვმეგობრობდით, მიუხედავად ამისა – არასოდეს მიმიმართავს მისთვის “შენობით” (ამაზე ბრაზობდა )
მიხარია, დღეს ჩვენი შვილები რომ მეგობრობენ.
ზურას – ნინომ ძალიან კარგი შვილები გაუზარდა – აი ისეთი, მამის გულს სიამაყით რომ აავსებს.
გაანთლოს ღმერთმა ამ კაცის სული.
მენატრება ხოლმე ზურა.
რამდენ უბედურებას გადარჩებოდა საქართველო – ზურა რომ არ მოეკლათ?!” – წერს ყანდიაშვილი