ნინო ბურჯანაძე მანამდეც დადიოდა რუსეთში, ახლაც წავიდა და სავარაუდოდ ხვალაც წავა, – ამის შესახებ „ევროპული საქართველოს“ ერთ-ერთმა ლიდერმა, გიგი უგულავამ „დემოკრატიული მოძრაობის“ ლიდერის, ნინო ბურჯანაძის მოსკოვში ვიზიტთან დაკავშირებით განაცხადა.
როგორც უგულავა ამბობს, რუსეთში ბურჯანაძის ვიზიტები არ მოსწონს, თუმცა აღნიშნავს, რომ ოპოზიცია არა იდეოლოგიის, არამედ პროპორციული სისტემის მოთხოვნის გარშემო გაერთიანდა.
„ჩვენ ეს ბუნებრივია, არ მოგვწონს, მაგრამ ჩვენ იქ არ გავერთიანებულვართ იდეოლოგიის გარშემო, იქ არის პროპორციული სისტემის მოთხოვნის გარშემო გაერთიანება, წერტილი. იმის იქით ჩვენ იქ საერთო არაფერი არ გვაქვს ბევრთან, ისევე როგორც მათ ჩვენთან. ბნელ ოთახში კატის ძებნა აბსოლუტურად კონტრპროდუქტიულია“,- აცხადებს უგულავა.
