ახალციხეში, თამარაშვილის ქუჩაზე, პოლიციის შენობის გვერდით არსებულ სკვერში საბავშვო ატრაქციონი დაზიანდა. საქანელას ჩამოვარდნისას, შიგ ბავშვი იმყოფებოდა.

ინფორმაციას ამის შესახებ, „სამხრეთის კარიბჭე" ავრცელებს.

ახალციხეში, თამარაშვილის ქუჩაზე ატრაქციონის ჩამოვარდნის ამსახველი ვიდეო, ერთ-ერთმა მოქალაქემ გადაიღო. კადრში ჩანს, რომ გოგონამ დაზიანებული ატრაქციონიდან გასმოსვლა თავად მოახერხა.

შემთხვევა სამი დღის წინ მოხდა. აღნიშნულ სკვერში ატრაქციონის დაზიანების ეს პირველი შემთხვევა არ არის.

სკვერის მოვლა-პატრონობაზე პასუხისმგებელი ახალციხის მერიაა: „ჩვენმა სამსახურებმა იციან ამის შესახებ და შესაძლებელია ხვალვე შეკეთდეს. ხშირად აქ იმ ასაკის მოზარდები, სხდებიან, რომლებისთვისაც განკუთვნილი არ არის ეს ატრაქციონი, ამიტომ დაზიანდა", - აცხადებენ მერიაში.