თბილისის მეტროსადგურებში შექმნილმა შეფერხებამ მგზავრებში პანიკა გამოიწვია. 15 წუთის განმავლობაში რამდენიმე მატარებელი გვირაბში იყო გაჩერებული. როგორც თბილისის სატრანსპორტო კომპანიაში "ნიუპოსტს" განუმარტეს, ტექნიკური პრობლემის გამო, მეტროს I ხაზზე მოძრაობა 15 წუთით შეფერხდა.
ტექნიკური პრობლემა მარჯანიშვილის მეტროსადგურში მდგომ მატარებელს ჰქონდა. მისი სადგურიდან გაყვანამდე, მეტროს I ხაზზე მოძრავი მატარებლები გვირაბში იყვნენ გაჩერებულები.
ამ დროისთვის მოძრაობა სრულად აღდგენილია.
