ყოფილი პარლამენტის თავმჯდომარის, ირაკლი კობახიძის განცხადებით, იმ შემთხვევაში, თუ მმართველმა პარტიამ 2020 წლის საპარლამენტო არჩევნებში 45% მაინც ვერ აიღო, სამთავრობო კოალიციის შექმნა გაჭირდება. აღნიშნულთან დაკავშირებით იურისტი ლევან ალაფიშვილმა 2020NEWS“ - თან განაცხადა, რომ ირაკლი კობახიძის განცხადება არასერიოზულია.

“საპრეზიდენტო არჩევნების შემდეგ არაერთი ფაქტი დაფიქსირდა, რამაც „ქართული ოცნების“ იმიჯი შელახა, მაგალითად, 20-21 ივნისის აქციის მოვლენები. გუშინ ირაკლი კობახიძის მიერ გაკეთებული გაცხადება სულ მცირე არასერიოზულია. მმართველი პარტია 2020 წლის არჩევნებში 45%-იან მხარდაჭერას ვერ მოიპოვებს. ვისურვებდი, “ქართულ ოცნებას“ უფრო ლოგიკური მიმართულებით ეფიქრა. რიგგარეშე არჩენები იმ შემთხვვეაში ჩატარდება, თუ პარლამენტი უუნაროა მთავრობა დააკომპლექტოს. შანსი იმისა, რომ 2020 წელს რიგგარეშე არჩევნები მივიღოთ, მაღალია, რადგან არავინ იცის პარტიები ერთმანეთთან თანამშრომლობას მოინდომებენ თუ არა“,- განაცხადა ლევან ალაფიშვილმა.

ცნობისთვის, საქართველოს ყოფილი პარლამენტის თავმჯდომარის, ირაკლი კობახიძის განცხადებით, იმ შემთხვევაში, თუ “ქართულმა ოცნებამ“ 2020 წლის საპარლამენტო არჩევნებში ხმათა 45% მაინც ვერ მიიღო, კოალიციის შექმნა შეიძლება შეუძლებელი გახდეს. მისი თქმით, ასეთ ვითარებაში მაღალია ალბათობა იმისა, რომ საჭირო გახდეს რიგგარეშე არჩევნების ჩატარება. კობახიძემ აღნიშნული განცხადება “პალიტრანიუსის“ გადაცემა “360 გრადუსში“ გააკეთა.