სალომე ზურაბიშვილი ამპარტავნობისა და არაკომპეტენტურობის სიმბოლოა - გია ხუხაშვილი

პოლიტიკის ექსპერტის, გია ხუხაშვილის თქმით, საქართველოს პრეზიდენტზე სალომე ზურაბიშვილზე სერიოზულად ლაპარაკი შეუძლებელია.

მისი თქმით, სალომე ზურაბიშვილი ამპარტავანი და არაკომპეტენტურია. ხუხაშვილმა აღნიშნული განცხადება “2020NEWS“ -თან გააკეთა.

“ეს ქალბატონი არის არაკომპეტენურობისა და ამპარტავნობის სიმბოლო. მასზე სერიოზულად ლაპარაკი უკვე შეუძლებელია. როდესაც სახელმწიფოებრივად მნიშვნელოვანი საკითხების შესახებ ეკითხებიან, ის ჭკუას გვარიგებეს, რომ აღნიშნულ საკითხებზე პასუხის გაცემა მისი კომპეტენცია არ არის, სამაგიეროდ შეუძლია გამოხტეს და სისულელეები ილაპარაკოს. ეს ქალბატონი ერთი დიდი გაუგებრობაა და მეტი არაფერი. მასზე კომენტარის გაკეთება უკვე შეუძლებელია“,- განაცხადა გია ხუხაშვილმა.

ცნობისთვის, საქართველოს პრეზიდენტი სალომე ზურაბიშვილი ქვეყანაში განვითარებულ მნიშვნელოვან პროცესებთან დაკავშირებით განცხადებებს არ აკეთებს, სამაგიეროდ სოციალურ ქსელში არაორდინალური პოსტების გამოქვეყენებას არ ერიდება.