„მსოფლიო მმართველობის ინდიკატორებთან“ დაკავშირებით, თუ ვინმე იტყვის, რომ ეს ყველაფერი ხელისუფლებამ ჩააწყო, არ ვიცი, რა ვუპასუხო, - წერს ექსპერტი ლევან ნიკოლეიშვილი სოციალურ ქსელში.

იუსტიციის მინისტრს ქალბატონ თეა წულუკიანს ვუსმენდი ცოტა ხნის წინ და ვფიქრობდი როცა საქართველო უსწრებს ევროკავშირისა და ნატოს წევრ სახელმწიფოებს ან უნდა გაგიხარდეს და იამაყო ან მიმიმუმ უნდა გაჩუმდე (თუ ძალიან მტერი თუ შტერი არ ხარ).

გამოხატვის თავისუფლების ინდიკატორით ვუსწრებთ ყველა პოსტსაბჭოთა ქვეყნებს ესტონეთის გარდა, ვუსწრებთ ისეთ ქვეყნებს როგორიცაა ალბანეთი, ბოსნია, მაკედონია, მონტენეგრო, სერბეთი და თურქეთი.

საქართველოში კანონის უზენაესობა უფრო მაღალ დონეზეა ვიდრე იტალიაში, საბერძნეთში, რუმინეთში, ბულგარეთში, ხორვატიაში, სერბეთში, მაკედონიაში და მონტენეგროში.

ევროკავშირის ისეთ ქვეყნებს როგორიცაა უნგრეთი, იტალია, საბერძნეთი, ხორვატია, ბულგარეთი და რუმინეთი გავუსწარით ხელისუფლების ეფექტიანობის ინდიკატორში.

კორუფციის კონტროლით საქართველო ლიდერი აღმოჩნდა რეგიონში და პოსტსაბჭოთა სივრცეში, აქაც მხოლოდ ესტონეთს ჩამოვრჩებით.

ბატონებო და ქალბატონებო ეს გახლავთ მსოფლიო ბანკის მონაცემები „მსოფლიო მმართველობის ინდიკატორებთან" დაკავშირებით. სტრასსბურგის გადაწყვეტილების არ იყოს თუ ვინმე იტყვის, რომ ეს ყველაფერი ხელისუფლებამ ჩააწყო არ ვიცი რა ვუპასუხო...არა, უფრო უნდა ვურჩიოთ ერთი კარგი ფსიქიატრი, თუმცა არსებობს უკურნებელი დავადებები რომლებსაც ვერ შველიან, ასეთების რიცხვშია: შენი ქვეყნისა და ხალხის ზიზღი, მავნებლობა, ბოღმა, შური და ასე შემდეგ.