"რუსთავი 2"-ის მთავარ საინფორმაციო გამოშვებას ნინო შუბლაძე და ირაკლი იმნაიშვილი წაიყვანენ. 9-საათიანი "კურიერის" წამყვანებთან დაკავშირებით კონსულტაციები ჯერ კიდევ მიმდინარეობს, თუმცა ყველაზე აქტიურად სწორედ ეს ორი სახე განიხილება.
ირაკლი იმნაიშვილი სავარაუდოდ, უხელმძღვანელებს "რუსთავი 2"-ის საინფორმაციო სამსახურსაც. ის ამ თანამდებობაზე რამდენიმე კვირის წინ ტელეკომპანიის გენერალურმა დირექტორმა პაატა სალიამ წარადგინა.
მნაიშვილი წლების წინ ტელეკომპანია "მზეში" მუშაობდა, შემდეგ კი რამდენიმე წლის დიდ ბრიტანეთში, ლონდონში ცხოვრობდა და ტელეკომპანია BBC-ში მუშაობდა.
რაც შეეხება ნინო შუბლაძეს, არსებული ინფორმაციით, ის "რუსთავი 2"-ში ერთ-ერთ ხელმძღვანელ პოსტსაც დაიკავებს. შუბლაძე "რუსთავი 2"-ში დიდი ხნის განმავლობაში მუშაობდა, იყო არხის გენერალური დირექტორის მოადგილე, საინფორმაციო სამსახურის ხელმძღვანელი, თოქ-შოუს წამყვანი. ტელეკომპანია 2014 წელს დატოვა და მას შემდეგ სამთავრობო უწყებების პრესსამსახურში მუშაობდა.
იმედია, მას შემდეგ გაიზარდა... თორემ ჟურნალისტი, რომელიც ელოდება, რომ ორ ქვეყანას შორის დაძაბულობის გასანეიტრალებლად მოსკოვში ჩასულმა, საქართველოს პარლამენტის ყოფილმა თავმჯდომარემ, პუტინს - შე ოკუპანტოო, უნდა უძახოს შეხვედრაზე, დიდ იმედებს არ აღძრავს ჩემში :)