ოდესაში მე ვარ ყველაზე პოპულარული პოლიტიკოსი, უცნაურია მაგრამ საინტერესოა - ამის შესახებ განცხადება, საქართველოს მესამე პრეზიდენტმა მიხეილ სააკაშვილმა, ოდესაში ქართველ ახალგაზრდებთან შეხვედრისას გააკეთა.
სააკაშვილის თქმით, მისი რეიტინგი ოდესაზე ბევრს მეტყველებს.
"წარმოიდგინეთ, აშშ-ში არის სამი ოდესა, მათ შორის ერთი ოდესა ტეხასში, არის ამ ოდესაზე დიდი. ინგლისში ყველაზე მდიდარი ადამიანი არის ოდესიდან, ამერიკაში მერის მოადგილე იყო ოდესელი. დღესდღეობით, გამოკითხვებით, ოდესაში მე ვარ ყველაზე პოპულარული პოლიტიკოსი, უცნაურია მაგრამ საინტერესოა. ადამიანი რომელიც აქ არ დაბადებულა, არ უსწავლია, ის არის ოდესაში ყველაზე პოპულარული პოლიტიკოსი. ესეც ბევრს მეტყველებს ამ ქალაქზე", - თქვა სააკაშილმა.
