თავდაცვის მინისტრობის კანდიდატის, ირაკლი ღარიბაშვილის განცხადებით, საქართველომ გარდა ბირთვულისა, ყველა სახის იარაღის წარმოება უნდა დაიწყოს.

აღნიშნულის შესახებ მან საკანონმდებლო ორგანოში გაერთიანებული კომიტეტების სხდომაზე განაცხადა.

კონფლიქტოლოგი მამუკა არეშიძე “2020NEWS”-თან აცხადებს, რომ საქართველოს იარაღის წარმოება დიდ ეკონომიკურ სარგებელს მოუტანს.

მისი თქმით, მხოლოდ იმის გამო, რომ საქართველო საკუთარ ტყვია-წამალს არ აწარმოებს, ქვეყანა ათეულობით მილიონ დოლარს კარგავს.

“ჩვენი ქვეყანა იარაღს აწარმოებდა, ახლა კი სამხედრო ტექნიკას აწარმოებს, რასაც პერმანენტული სახე არ აქვს. ჩვენ ტყვია-წამლის წარმოება შგვიძლია თავისუფლად. იმის გამო, რომ ტყვია-წამალს არ ვაწარმოებთ, ყოველწლიურად რამდენიმე ათეულ მილიონ დოლარს ვკარგავთ.

ვფიქრობ, რომ გარკვეული შეიარაღების წარმოება შეგვიძლია. ყოველწლიურად, თუ არ ვცდები, 60 მილიონი დოლარი იხარჯება სამხედრო ნივთების შეძენაში“, - განაცხადა მამუკა არეშიძემ.

ცნობისთვის, თავდაცვის მინისტრობის კანდიდატმა, ირაკლი ღარიბაშვილმა საკანონმდებლო ორგანოში განაცხადა, რომ საქართველოში გარდა ბირთვულისა, ყველა სახის იარაღის წარმოება უნდა დაიწყოს.