ჩუღურეთში თბილისური ტიპის ეზოების მოწესრიგება მიმდინარეობს

ჩუღურეთში თბილისური ტიპის ეზოების მოწესრიგება მიმდინარეობს

ჩუღურეთის რაიონში, სურამის N 5-ში 300 კვადრატულ მეტრზე თბილისური ტიპის ეზოში ასფალტის საფარი იგება.მიმდინარე პროექტს ჩუღურეთის რაიონის გამგებელი ზურაბ ჩიკვილაძე გაეცნო.


„თბილისური ტიპის ეზოების მოწესრიგება ჩუღურეთის რაიონში გეგმა-გრაფიკის მიხედვით მიმდინარეობს. სურამის N5-ში, სადაც 17 ოჯახი ცხოვრობს, მიმდინარე წელს ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, მიწისქვეშა კომუნიკაციები შეიცვალა. ახლა კი საგზაო ინფრასტრუქტურას ვაწესრიგებთ“, - განაცხადა ზურაბ ჩიკვილაძემ.



სამუშაოებს ჩუღურეთის რაიონის გამგეობის დაკვეთით, შპს „ბი-ემ-სი“ ასრულებს და მისი ღირებულება 10 000 ლარია. მსგავსი სამუშაოები ჩუღურეთის რაიონში კიდევ სამ მისამართზე მიმდინარეობს, ხოლო 25 მისამართზე უკვე დასრულდა.