“ხელისუფლება შეშინებულია და ხელისუფლება რომ შეშინებულია, ეს ნიშნავს, რომ ბიძინა ივანიშვილი შეშინებულია”,- ასე შეაფასა რესპუბლიკური პარტიის ერთ-ერთმა ლიდერმა თამარ კორძაიამ გიორგი გახარიას ინტერვიუ ინგა გრიგოლიასთან.

“გახარია შეშინებულია, გახარია რომ შეშინებულია, ეს ნიშნავს რომ ხელისუფლება შეშინებულია და ხელისუფლება რომ შეშინებულია, ეს ნიშნავს, რომ ბიძინა ივანიშვილი შეშინებულია. ამიტომ, საბოლოო ჯამში გახარიაც წავა და ყველა მიჰყვება მას. დავინახეთ, რომ მათთვის საუკეთესო თავდაცვა თავდასხმაა, რაც სირცხვილია, ამიტომ მე არ მგონია, რომ აქ განსაკუთრებული ძალა აჩვენა გახარიამ. პირიქით, დღეს მისი გამოსვლა იყო ხელისუფლების სრული სისუსტის დადასტურება. აგრესია სწორედ ამას ნიშნავს, რომ მას სხვა არაფერი არ დარჩა საკუთარი თავის და ხელისუფლების დასაცავად და ამიტომ, მე ვუთანაგრძნობ მათ ამ მარცხში."