ამ ეთერის მერე კითხვები აღარ დამრჩა...გახარია სარალიძის საქმის ფარიკაციისთვის აუცილებლად დაისჯება, ვფიცავ , - ამის შესახებ ტელეკომპანია "რუსთავი 2" გენერალურმა დირექტორმა სოციალურ ქსელში დაწერა.

გვარამიას თქმით, ზაზა სარალიძის სკანდალური და ემოციური გამოსვლის შემდეგ გადაცემა "კვირის აქცენტებში" ყველაფერი ნათელი გახდა და სარალიძემ სამოქალაქო გმირობის გზა გაიარა.

"ამ ეთერის მერე, აღარც სათქმელი დამრჩა რაიმე, არც საკითხავი. ორი რამე დავადგინე ზუსტად და დავწერ:

1. ზაზა სარალიძემ გაიარა სამოქალაქო გმირობის გზა და ჭირდება და იმსახურებს იმას, რომ შევეშვათ და დავტოვოთ მარტო საკუთარ თავთან და ოჯახთან.
2. აბსოლუტურად ზუსტად, გახარიაზე ბინძური და მდაბიო, ყველაფრის მკადრებელი ნაძირალა საქართველოს ხელისუფლების ისტორიაში მე არ მახსოვს. ტიპიური, გულისამრევი, თან “მელკი” ГРУ-შნიკი. მძულს მთელი არსებით ისიც და მისი პატრონი ივანიშვილიც.

ps გახარია აუცილებლად დაისჯება სარალიძის საქმის ფაბრიკაციისთვის, როგორც საქმის შეკერვის მთავარი ფიგურანტი. აი, განსაკუთრებით, დღეის მერე, ფიცს ვდებ, რომ აუცილებლად (თუ მანამდე რუსეთში არ გაიქცა).", - წერს გვარამია.