ყოფილი პოლიტიკოსის ირინა სარიშვილის განცხადებით, მიხეილ სააკაშვილის დახმარების გარეშე, "ამაზრზენი ხელისუფლების" დამარცხება ვერ მოხდება.

"დიახ, მე განვაცხადე რომ სანდრამ მოიგო ეს არჩევნები და დღესაც ამას ვამბობ. ამას ამბობს სანდრაც, რომელიც არ აპირებს ფარ-ხმლის დაყრას და მე მის გვერდით ვარ სხვებთან ერთად ისე როგორც შემიძლია. ჩემთვის რულიად ნათელია რომ ამ ამაზრზენ ხელისუფლებას სააკაშვილის გარეშე ვერ დავამარცხებთ და ისიც აშკარაა რომ სააკაშვილი მარტო ამას ვერ შეძლებს! ამიტომ ყველა, ვინც აქამდე ერთად ვიყავით, უნდა დავრჩეთ ერთად - აქაც და სხვაგანაც!

არ ვაპირებ არავისკენ, მით უმეტეს ოპოზიციისკენ ნიშნის მოგებით ხელის გაშვერას. საქმე არც ისე მარტივადაა ზოგს რომ ჰგონია. სიმართლე უჩვენოდაც არსებობს და სიმართლე იმარჯვებს იქ, სადაც მას არა მხოლოდ აღიარებს, არამედ იცავს უმრავლესობა.

არავითარი პესიმიზმი! არავითარი ხელის ჩაქნევა. ჩვენს წინ და უკან საქართველოა და ჩვენი შვილების მომავალი!", - წერს სარიშვილი ფეისბუქზე.