ოკუპირებული სამხრეთ ოსეთის დე ფაქტო პრეზიდენტმა ანატოლი ბიბილოვმა ნატო-ს გენერალური მდივნის იენს სტოლტენბერგის საქართველოში ვიზიტთან და ნატო-საქართველოს სამხედრო სწავლებებთან დაკავშირებით კომენტარი გააკეთა.

„ჩვენ მშვიდად ვართ. ჩვენ გვაქვს მკაფიო პოზიცია. ეს პოზიცია უცვლელი დარჩება უახლოესი ათასი წლის განმავლობაში. დაე გაწევრიანდეს საქართველო ნატო-ში. ეს მათი უფლებაა. ჩვენ განვითარების ჩვენი ვექტორი გვაქვს. რუსეთთან გვაქვს დადებული ხელშეკრულება. შევამუშავეთ რიგი ღონისძიებები სამხრეთ ოსთისა და რუსეთის უსაფრთხოების ერთიან კონტურზე“, – განაცხადა ანატოლი ბიბილოვმა

დე ფაქტო პრეზიდენტი ასევე შეეხო ნატო-ს გენერალური მდივნის განცხადებას, რომელშიც მან რუსეთს მოუწოდა „სამხრეთ ოსეთისა“ და აფხაზეთის ე.წ. დამოუკიდებლობა უკან წაიღოს.

„სამხრეთ ოსეთი არასდროს ყოფილა საქართველოს შემადგენლობაში. მეფის რუსეთშიც კი. რა კავშირი აქვს საქართველოს ოსეთთან?“ – ამბობს ბიბილოვი