ბათუმში, სასტუმრო "მგზავრების" საუნაში ხანძარი გაჩნდა. სახანძრო-სამაშველო სამსახურის ინფორმაციით, დაიწვა 5 კვ/მ ფართობი და სასტუმროს ნივთები. ხანძარი ლოკალიზებულია, მიმდინარეობს მისი სალიკვიდაციო სამუშაოები.
შენობიდან სტუმრები გამოიყვანეს. ადგილზე სახანძრო-სამაშველო სამსახურის 4 ბრიგადა მუშაობს.
"იმედინუსის" ცნობით, შენობასთან პოლიციელები არიან მობილიზებულები. ხანძრის გამომწვევ მიზეზებს გამოძიება სწავლობს.
