თბილისის ყოფილი მერი გიგი უგულავა მმართველი გუნდის მიერ მთაწმინდის მაჟორიტარ კანდიდატად ლადო კახაძის დასახელებას სოციალურ ქსელში ეხმაურება.
"თუ გჭირდებათ ეხოსკოპისტი კი ბატონო, ბაზარი არაა! თუ ვირჩევთ თამადას - მოსულა (მე არ მომწონს მაგრამ ოკ), მაგრამ თუ ვირჩევთ დეპუტატს, ლადო კახაძე უბრალოდ შეურაცხყოფაა. "ქართული ოცნება“ უბრალოდ დაგვცინის. ამ პარლამენტს სადღეგრძელოები აკლია? ეხოსკოპისტი და მარკშეიდერი სჭირდება კიდევ?! შეგახსენებთ: კახაძემ ბურჭულაძის პარტიიდან 2016 იყარა კენჭი მთაწმინდაზე და 2,3% მიიღო. მაშინ "ბურჭულაძეები" მოღალატეები იყვნენ "კობახიძეებისთვის" - ახლა რა შეიცვალა? სადაა ლოგიკა, თანმიმდევრულობა ან ნამუსი - თქვე მართლა "დედის საშო გამოვლილო ნაყოფნო" ( ლ. კახაძე)“, - წერს გიგი უგულავა სოციალურ ქსელში.
შეგახსენებთ, მთაწმინის ოლქში შუალედური არჩევნები 19 მაისს გაიმართება.
"ევროპული საქართველო - თავისუფალი დემოკტარების" კანდიდატი შალვა შავგულიძე იქნება, მმართველმა გუნდმა კი დღეს თავის კანდიდატად ექიმი ლადო კახაძე დაასახელა.
