“მასწავლებლის გლობალური ჯილდოს ფინალისტი, ლადო აფხაზავა, ვარკის ფონდის ელჩი გახდა”, – ამის შესახებ ინფორმაცია “მასწავლებლის ეროვნული ჯილდო”-ს ოფიციალურ გვერდზე ვრცელდება.
ეს ფონდი 2015 წლიდან გასცემს მასწავლებლის გლობალურ ჯილდოს, ფინალისტები კი ფონდის და გლობალური ჯილდოს ელჩები ხდებიან.
ამ დროისთვის ვარკის ფონდს 200 მდე ელჩი ჰყავს მსოფლიოს 60 ქვეყნიდან.
ლადო აფხაზავა დუბაიში იმყოფება, სადაც კვირას მასწავლებლის გლობალური ჯილდოს გამარჯვებული გახდება ცნობილი.
